Toyota Land Cruiser Prado 250 ANCAP heläkçilik synaglarynda (kraş-test) iň ýokary baha aldy. Wnedorožnik bäş ýyldyz bilen sylaglandy diýip, Youtube-yň 4Drive Time kanaly habar berýär.
ANCAP Awstraliýanyň Awstraliýada we Täze Zelandiýada ulaglaryň howpsuzlygyny bahalandyrýan guramasydyr. Guramanyň hünärmenleri 204 at güýjüni öndürýän we 8 tizlikli awtomatiki geçirişli, 2,8 litrlik dizel hereketlendirijili 7 orunlyk ulagy synagdan geçirdiler.
Birnäçe heläkçilik synaglarynyň netijelerine görä, sürüjini we uly ýaşly ýolagçyny goraglylygy 85% -e deň diýip bahalandyryldy (40 baldan 34,39 bal).
Çagalaryň goraglylygy 89% (49 baldan 43,62 bal), pyýadalaryň goraglylygy 84%, sürüjilere kömek ulgamlary bolsa 82% bal gazandy.
Sagatda 50 km tizlik bilen barýarka öň tarapdan urgy bolanda sürüjiniň döşüne we sag injigine agyr ýük düşýär, ýöne ýolagçy gowy goralýar.
Gapdaldan degen urgy bedeniň ähli möhüm ýerleriniň iň ýokary derejede goraglydygyny görkezdi. Sütüne baryp urlan ýagdaýynda, göwräniň goragy ýeterlik derejede diýip bahalandyrylýar we merkezi howa ýassygy öňdäki oturanlaryň özara çaknyşmagynyň öňüni alýar.
