Müsürde giň gerimli “Täze delta” (New Delta) taslamasy durmuşa geçirilýär, onuň çäklerinde ýurtda, esasan, Niliň deltasyndan günbatardaky hasylsyz çölüň 9240 inedördül metrini oba hojalyk ýerlerine öwürmek meýilleşdirilýär.
NASA-nyň Landsat 8 we 9 hemralary 2018-nji ýylyň noýabrynda we 2024-nji ýylyň noýabrynda Aleksandriýa we Buheýra muhafazalarynyň (administratiw-territorial birlik) käbir böleklerinde ýaşyl zolaklaryň giňelýändigini görkezýän suratlary hödürledi.
Suratda suw ýoluny görmek bolýar – bu suratyň ýokarky çep burçundan demirgazyk-gündogara tarap uzalýan kanal bolup, ol Aleksandriýadaky kölden hapa suwlary 2023-nji ýylda gurluşygy tamamlanan täze arassalaýyş stansiýasyna geçirýär. Bu stansiýa günde 7,5 mln kubometre çenli hapa suwlary gaýtadan işleýär, bu hem ony Ginnesiň rekordlar kitaby boýunça dünýäde iň uly stansiýa öwürýär.
Tokaý hem ekologik, hem ykdysady funksiýany ýerine ýetirýär. Onda gurluşykda we önümçilikde ulanylýan ewkalipt we akasiýa ýaly gymmatly agaç tohumlary ösdürilýär.
