Nvidia IT pudagynyň taryhy bilen gyzyklanýan kollektorlar üçin adaty bolmadyk mahabat kampaniýasyny geçirýär. Las-Wegasda geçiriljek CES 2025 sergisiniň öňüsyrasynda kompaniýa sungat eserleri mysaly işlenip düzülen birnäçe seýrek wideo karta üçin utuşly oýun yglan etdi diýip, PCWorld ýazýar.
Grafiki prosessorlar çarçuwa salnyp, hersine Nvidia-nyň baş direktory Jensen Huang gol çekdi.
Birinji baýrak 1999-njy ýylda çykan meşhur GeForce 256 bolar. Kartaly çarçuwada Huangyň enjamy “dünýäniň ilkinji GPU-y” diýip atlandyrýan ýazgysy bar. Bu baýragyň suraty eýýäm X sosial ulgamynda çap edildi.
Nvidia-da jemi bäş wideo kartanyň oýnaljakdygyny tassykladylar. Olaryň modelleri entek gizlin saklanýar, ýöne çeşmeleriň berýän maglumatlaryna görä, olaryň arasynda 2006-njy ýylda çykan meşhur GeForce 8800 GTX bolup biler.
"Ol geljekki GeForce RTX 50 seriýasy ýaly güýçli bolman biler, ýöne iki onýyllykdan soň hem kompýuter oýunçylarynyň aňynda möhüm orny eýeleýär" –diýip, çeşme belleýär.
Mahabat 7-11-nji ýanwar aralygynda geçiriljek CES 2025-den öň höwesjeňleriň ünsüni Nvidia-a çekmäge gönükdirilendir. Sergide kompaniýanyň iň soňky işläp taýýarlan önümlerini hödürlemegine garaşylýar.
