Apple ýylyň jemini jemläp, App Store Awards 2024-üň ýeňijilerini yglan etdi. App Store redaktorlary ulanyjylaryň durmuşyny gowulaşdyrmaga kömek eden we medeniýetde yz galdyran 18 programmany we oýny atlandyrdylar.
Iň gowy programmalar:
- ·iPhone: Kino – professional wideolary surata düşürmek üçin gural. Programma tölegli.
- ·iPad: Moises – aýdymlarda sesi instrumentaldan aýratynlandyrmak üçin programma. Emeli aň aýdymy klawişli, deprekli, gitaraly, basly we sesli aýry-aýry treklere bölýär. Mugt, içinde satyn almalar bar.
- ·Mac: Adobe Lightroom – ýazylyşyk boýunça elýeterli bolan meşhur grafiki redaktor.
- ·Apple Vision Pro: What If..? An Immersive Story – Marvel multi-älemi boýunça interaktiw başdangeçirmeler. Programma Marvel we Disney+ tarapyndan döredildi. Mugt.
- ·Apple Watch: Lumy – Gün şöhlesini, Aý fazalaryny yzarlamak we ýyldyzlara gözegçilik etmek üçin programma. Tölegli.
- ·Apple TV: F1 TV – Formula-1 ýaryşlaryny ýaýlyma bermek üçin platforma.
Iň gowy oýunlar:
- ·iPhone: AFK Journey – gacha elementleri bolan RPG strategiýasy – oýunçy ýeňmek üçin zerur pursatda duşmana hüjüm etmeli. Mugt, oýnuň içinde satyn almalar bar.
- ·iPad: Squad Busters – köp ulanyjyly oýun. Tanyş personažlardan topar ýygnap, 10 oýunçy üçin oýna başlamak bolýar. Her oýun özboluşly bolup, personažlar ösdürilip bilner. Mugt, içinde satyn almalar bar.
- ·Mac: Thank Goodness You’re Here! – absurd degişme bilen başdangeçirmeler oýny. Oýunça şäheriň ýaşaýjylary üçin dürli ýumuşlary ýerine ýetirmek teklip edilýär. Oýun tankytçylaryň ýokary bahalaryna eýe boldy. Tölegli.
- ·Apple Vision Pro: THRASHER: Arcade Odyssey – wizual effektler bilen dinamiki arkada. Tölegli.
- ·Apple Arcade: Balatro+ - özboluşly mehanikaly rogalik.
“Medeni täsir” nominasiýasynda ýeňijiler:
- ·Oko – gözi görmeýänler we gowşak görýänler üçin nawigasiýa.
- ·EF Hello – emeli aň bilen dil öwrenmek.
- ·DailyArt – her gün bir sungat eserini görkezýär we onuň taryhyny gürrüň berýär.
- ·NYT Games – krossword, sudoku we Wordle ýaly oýunlar.
- ·The Wreck – wizual nowella.
- ·Do You Really Want to Know 2 – AIW-li durmuşyň nýuanslary barada tekst oýny.
