Türkmenistanda 2025-nji ýylyň önümçilik senenamasy neşir edildi: resmi taýdan işlenilmeýän günler

  • 04.01.2025 17:43
  • 10k+

Türkmenistanyň Zähmet we ilaty durmuş taýdan goramak ministrligi 2025-nji ýyl üçin önümçilik senenamasyny çap etdi. Senenama laýyklykda, 2025-nji ýylda Türkmenistanda baýramçylyk we ýatlama günlerine gabat gelýän 12 sany işlenilmeýän gün bolar.

Baýramçylyk we ýatlama günleri:

  • 1-nji ýanwar – Täze ýyl;
  • 8-nji mart – Halkara zenanlar güni;
  • 21-22-nji mart – Milli bahar baýramy;
  • 30-njy mart – Oraza baýramy;
  • 18-nji maý – Türkmenistanyň Konstitusiýasynyň we Döwlet baýdagynyň güni;
  • 6-7-8-nji iýun – Gurban baýramy;
  • 27-nji sentýabr – Türkmenistanyň Garaşsyzlyk güni;
  • 6-njy oktýabr – Ýatlama güni;
  • 12-nji dekabr – Halkara Bitaraplyk güni.

Bu günlerde kärhanalarda, guramalarda we edaralarda resmi taýdan iş güni däldir. Türkmenistanyň Zähmet kodeksiniň 61-nji maddasyna laýyklykda, bu günleriň öň ýanyndaky iş wagty 1 sagat gysgaldylýar.
Türkmenistanyň Zähmet kodeksine laýyklykda, iş wagtlarynyň kadalary bilen şu salgydan doly tanşyp bilersiňiz.


şu gün 13:36
2.4k+

Türkmenistanyň we Özbegistanyň daşary işler ministrleri öňde boljak bilelikdäki çäreleri maslahatlaşdylar

28-nji iýulda Türkmenistanyň wise-premýeri, daşary işler ministri Raşid Meredow bilen Özbegistanyň daşary işler ministri Bahtiýor Saidowyň arasynda telefon arkaly söhbetdeşlik geçirildi. Özbegistanyň DIM-niň habar bermegine görä, taraplar iki ýurduň arasyndaky strategik hyzmatdaşlygy berkitmek, hyzmatdaşlygyň täze ugurlaryny ösdürmek hem-de öňde boljak sebit we halkara çäreleri ara alyp maslahatlaşdylar...

şu gün 13:13
1.8k+

Bakuwda türkmen-azerbaýjan hökümetara toparynyň mejlisi geçirildi

28-nji iýulda Bakuwda Türkmenistanyň we Azerbaýjan Respublikasynyň arasyndaky Ykdysady we ynsanperwer ugurlarda hyzmatdaşlyk boýunça bilelikdäki Hökümetara toparynyň 8-nji mejlisi geçirildi. Mejlis Türkmenistanyň wise-premýeri Nökerguly Atagulyýewiň we Azerbaýjanyň ykdysadyýet ministri Mikail Jabbarowyň başlyklyk etmeginde geçirildi...

düýn 14:47
2.2k+

Türkmenistanyň biržasynda geçen hepdede baglaşylan geleşikleriň bahasy 96 mln dollardan geçdi

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 19-sy hasaba alyndy. Geleşikleriň jemi bahasy ABŞ-nyň 96 million 517 müň dollaryndan gowrak boldy. Daşary ýurt puluna Birleşen Arap Emirlikleriniň, Türkiýäniň we Owganystanyň telekeçileri “Türkmenhimiýa” döwlet konserniniň kärhanasynda öndürilen suwuklandyrylan gazy, karbamidi satyn aldylar...

düýn 14:01
6.3k+

Türkmenistanyň wekiliýeti Russiýada geçirilen Halkara ekologiýa maslahatyna gatnaşdy

25-nji iýulda Türkmenistanyň wise-premýeri N.H.Atagulyýewiň ýolbaşçylygyndaky Türkmenistanyň wekiliýeti Russiýa Federasiýasynyň Altaý Respublikasynda geçirilen Halkara ekologiýa maslahatyna gatnaşdy. Bu barada Türkmenistanyň DIM-nde habar berdiler...