2024-nji ýylda Ilon Maskyň hususy uçarlary asmanda, takmynan, 881 sagat sarp etdiler. Milliarderiň uçuşlary baradaky maglumatlary Business Insider neşiri JetSpy hyzmatynyň kömegi bilen seljerdi.
Çeşmäniň maglumatlaryna görä, Ilon Maskyň iki sany Gulfstream uçary 2024-nji ýylyň ýanwar aýyndan dekabr aýynyň ortasyna çenli jemi 355 gatnaw amala aşyrdy.
ABŞ-nyň içinde esasy gatnaw ugurlary Kaliforniýa, Tehas we Ostin boldy, bu ýerlerde SpaceX-iň desgalary we Tesla-nyň ştab-kwartirasy ýerleşýär. Iň köp gatnalan ugur Donald Trampyň Mar-a-Lago rezidensiýasyndan uzak bolmadyk ýerde ýerleşýän Palm-Biç howa menzili (31 gatnaw) boldy. Trampyň saýlawlardaky ýeňşinden soň bu sebitde 25 gatnaw hasaba alyndy. Respublikan dalaşgäri goldamak üçin, Mask Pensilwaniýa we Jorjiýa ýaly “durnuksyz” ştatlara-da uçdy.
Şeýle-de, uçarlar daşary ýurtlara hem gatnady: Fransiýa, Polşa, Germaniýa, Portugaliýa, Indoneziýa, Hytaýa we Beýik Britaniýa. Mask Olimpiýa oýunlarynda Pariže we Notr-Dam ybadathanasynyň açylyşyna bardy hem-de Starlink-iň uçuşy üçin Balä gitdi.
Maskyň uçarlary 2,5 mln dollarlyk ýangyç sarp etdi, kömürturşy gazynyň zyňyndylary bolsa 4000 tonna ýetdi.
2022-nji ýyldan bäri Mask hususy uçarlaryň hereketini gizlemäge mümkinçilik berýän federal programmadan peýdalanýar.
