Netflix akym hyzmaty hemme ünsi bermezden, fon režiminde tomaşa edip bolar ýaly filmleri we seriallary taýýarlaýar. Bu barada n+1 neşiriniň žurnalistleri ýazýar.
Neşiriň maglumatlaryna görä, käbir taslamalar işlenip taýýarlananda kompaniýanyň ýolbaşçylary ssenariýaçylardan personažlaryň dialogyna düşündiriş goşup, “tomaşaça olaryň häzir näme edýändigini aýtmagy” tabşyrýarlar. Bu sýužeti ünsli yzarlamaýan tomaşaçylara esasy wakalardan habarly bolmaga mümkinçilik berýär.
Netflix-de casual viewing (“tötänleýin tomaşa”) ady bilen ýörite teg bar. Onuň bilen yzygiderli üns bermezden tomaşa etmek üçin laýyk gelýän filmler we şüweleňler bellenýär.
Bu formata laýyk gelýän žanrlaryň arasynda, köplenç, sitkomlar (situation comedy), realiti-şoular we tebigat barada dokumental filmler duş gelýär.
