The Independent neşiri XXI asyryň iň gowy aktýorlarynyň sanawyny çap etdi. Oňa amerikan, britan, irland, fransuz we nemes artistleriniň 60-sy girdi.
Sanaw neşiriň medeniýet bölümine jogapkär hünärmenler tarapyndan düzüldi. Şeýlelik bilen, awtorlar halaýan aktýorlaryna hormat goýmak we bu saýlaw bilen “düýbünden ylalaşman” hem biljek kino muşdaklaryny begendirmek islediler.
Sanawy düzüjiler diňe 2000-nji ýyldan soň düşürilen çeper filmleri göz öňünde tutdular, şonuň üçin sanawda Meril Strip, Al Paçino, Dastin Hoffman ýa-da Jek Nikolson ýaly tanalýan kino artistleri ýok.
"Käbir aktýorlaryň sanawda bolmagy we käbirleriniň bolsa ýokdugy adamlaryň göwnüne ýaraman biler. Aktýorlary saýlamaklyk el ujundan geçirildi, hatda sanawyň awtorlarynyň arasynda-da köp düşünişmezlikler boldy" – diýip, žurnalistler duýdurýarlar.
Döwrümiziň iň beýik 60 aktýorynyň The Independent tarapyndan düzülen 10-lugy aşakdakylardan ybarat:
- Filip Seýmur Hoffman
- Emma Stoun
- Deniel Deý-Lýuis
- Denzel Waşington
- Nikol Kidman
- Deniel Kaluýa
- Son Kan Ho
- Keýt Blanşet
- Kolin Farrell
- Florens Pýu
Sanawda Willem Defo, Izabel Ýupper, Kristian Beýl, Leonardo Di Kaprio, Toni Lýun Çu Waý, Adam Draýwer, Penelopa Krus, Hoakin Feniks, Raýan Gosling, Hawýer Bardem, Robert Dauni-kiçi, Keýt Winslet, Tom Henks, Sally Hokins, Mettýu MakKonahi we Tom Kruz ýaly meşhur aktýorlar bar.
Sanawyň doly görnüşini şu baglanyşykdan tapyp bilersiňiz.
2020-nji ýylda iň gowy aktýorlaryň sanawyny The New York Times neşir edipdi. Şol sanawyň başyny Denzel Waşington çekipdi, Izabel Ýupper we Deniel Deý-Lýuis ikinji we üçünji orunlary eýeläpdi.
