Toyota 2025-nji ýylyň ýanwar aýynda Tokio awtoulag sergisinde ilkinji gezek çykjak RAV4 krossoweriniň iki täze wersiýasyny yglan etdi diýip, ITHome habar berýär.
Olaryň birinjisi futuristik RAV4 Dark Side Performance Edition. Kompaniýanyň wekiliniň sözlerine görä, bu wersiýa “RAV4-iň adaty daşky görnüşinden düýpgöter tapawutlanýan RAV4-iň täze keşbini görkezýän futuristik modeldir. Ylmy-hyýaly filmlerdäki, animasiýalardaky we oýunlardaky hereketiň geljegi durmuşa geçýär”.
Awtoulag gabaraly howa alyjysy, üýtgeşik yşyklandyryş elementleri we ýapyk radiator paneli bilen tapawutlanýar. Tigir arkalary ulaldyldy, bu onuň adaty däl görnüşini nygtaýar. Bu wersiýany yzygiderli öndürilmek meselesi häzirlikçe açyklygyna galýar.
Ikinji täze önüm - Toyota RAV4 Outdoor Lifestyle Package. Bu model açyk howada dynç almagy halaýanlar üçin niýetlenendir. Ol üçek ýükdany, ähli ýerde ýöreýän tekerler we güýçlendirilen tigir arkalary bilen enjamlaşdyrylyp, çarkandakly ýollar boýunça syýahat edilende amatlydyr.
Tokio awtoulag sergisi 2025-nji ýylyň 10-12-nji ýanwary aralygynda geçiriler.
