Toyota Motor-yň öz girdejisini (ROE) iki esse artdyrmak niýetini yglan etmegi kompaniýanyň amerikan biržasyndaky paýnamalarynyň düýpli ýokarlanmagyna sebäp boldy. Ýapon awtoulag öndürijisiniň paýnamalary birden 9% gymmatlady.
Ýaponiýanyň Nikkei neşiriniň berýän maglumatlaryna görä, awtoulag öndürijisi görkezijisini 20%-e ýetirmegi meýilleşdirýär, bu seljerijileriň şu maliýe ýyly üçin çaklamalaryndan ep-esli ýokarydyr.
Maýa girdejisi kompaniýanyň öz aktiwlerine görä girdeji gazanmakdaky netijeliligini görkezýär. Şeýlelikde, Toyota öz paýdarlary üçin girdejilerini artdyrmak isleýär.
Kompaniýanyň wekili Bloomberg-e beren teswirinde takyk wagtyny we maksatlaryny agzamady, ýöne meýilnamalar maýadarlara uly täsir etdi. Netijede, Toyota-yň bazar kapitalizasiýasy bir gijede 20,9 milliard dollar artdy, paýnamalar bolsa alty aýyň içinde iň ýokary baha ýetdi - paýy 200 dollar töweregine boldy.
ABŞ-da we Hytaýda islegiň uludygy sebäpli Toyota-nyň, noýabr aýynda dünýä önümçiliginiň peselendigine garamazdan, dünýäde yzygider iki aý satuwynyň artandygyny bellige alandygyny ýatladýarys.
