Ak kelleli bürgüt resmi taýdan "ABŞ-nyň milli guşy" derejesini aldy. Degişli kanunçylyk namasyna Prezident Jo Baýden gol çekdi diýip, CNN habar berýär.
Ak kelleli bürgüt 250 ýyl bäri ABŞ-nyň güýjüniň nyşany hasaplanýar. Guş ilkinji gezek 1782-nji ýylda hökümet resminamalarynyň dogrudygyny tassyklaýan Uly möhürde peýda boldy. Mundan başga-da, bürgüt resmi nyşanlarda zeýtun şahasy, oklar, baýdak görnüşindäki galkan, “E pluribus unum” şygary (latyn dilinden terjime edilende - “Köplerden, ýeke”) we ýyldyzlar bilen bilelikde şekillendirilýär.
Ak kelleli bürgüdi milli guş hökmünde ykrar etmek başlangyjy Kongres tarapyndan biragyzdan goldanyldy.
"Ak kelleli bürgüt ýurdumyzyň erkinliginiň we güýjüniň nyşanydyr" – diýip, kanun taslamasynyň awtorlarynyň biri hökmünde çykyş eden senator Emi Klobuşar mälim etdi.
Ak kelleli bürgüt Demirgazyk Amerikanyň çäginde ýaşaýar. Daşky görnüşi bürgütlere meňzeýän hem bolsa, olardan tapawutlylykda, balyk iýmegi gowy görýär we uly suw howdanlarynyň golaýynda ýerleşýär.
