Iri amerikan awtokonsernleri Ford Motor we General Motors, şeýle-de Toyota ýapon kompaniýasynyň Demirgazyk Amerikadaky bölümçesi Donald Trampyň inaugurasiýa gaznasyna 1 mln dollar bermek kararyna geldiler.
Reuters bu çözgüdiň ABŞ-nyň täze saýlanan Prezidentiniň nyrh syýasatynda bolup biljek üýtgeşmeleriň esasynda kabul edilendigini belleýär.
Syýasatçy tarapyndan Meksikadan we Kanadadan import üçin öňe sürülýän nyrhlar awtoöndürijilere, şol sanda Meksikada Tacoma pikaplaryny öndürýän Toyota kompaniýasyna täsir eder diýlip garaşylýar. Mundan başga-da, Trampyň administrasiýasy, ähtimal, Jo Baýdeniň prezidentlik döwründe kabul edilen ekologiýa ülňüleri baradaky çözgütlere gaýtadan sereder.
1 mln dollardan başga-da, Ford we GM çäre üçin öz awtomobillerini berer.
Mundan öň, Amazon we Meta ýaly tehnoägirtler Trampyň kasam kabul ediş dabarasyna uly mukdarda pul bagyş etmek barada yglan etdiler.
Ak öýüň saýlanan ýolbaşçysynyň kasam kabul ediş çäresi 20-nji ýanwarda geçiriler.
