NASA NGC 2264 adyny alan ýaş ýyldyzlaryň üýşmeginiň suratyny hödürledi. Bu kosmiki “Roždestwo arçasy” Ýerden, takmynan, 2500 ýagtylyk ýyly uzaklykda ýerleşýär.
Surat 17-nji dekabrda düşürildi we ol NASA-nyň “Çandra” kosmiki rentgen obserwatoriýasynyň maglumatlaryny hem-de Arizonadaky astrofotograf Maýkl Klouwyň teleskopynyň optimiki maglumatlaryny birleşdirýär.
Bu suratda ýyldyzlaryň ýaşy 1-den 5 mln ýyla çenli. Deňeşdirmek üçin, Günüň ýaşy 1000 esse uly, ýagny 5 mlrd ýyla deň. NGC 2264 üýşmesinde ýyldyzlaryň ululygy 0,1-den 7 Gün massasyna çenli aralykda üýtgeýär.
Asman ýyldyzlary bu suratda gök we ak çyrajyklar ýaly görünýär. Arçanyň şahalaryny ýatladýan daş-töweregindäki gaz bolsa ýaşyl öwüşgini emele getirýär.
NGC 2264 üýşmesi “Roždestwo arçasy” bilen ilkinji gezek baglanyşdyrylmaýar. Geçen ýylky suratda ol yşyklar we bezeg çyralary bilen bezelen şekilde peýda boldy.
