Prezident Serdar Berdimuhamedow Azerbaýjan Respublikasynyň Prezidenti Ilham Aliýewe “Azerbaijan Airlines” awiakompaniýasynyň raýat uçarynyň köp sanly adam pidalaryna we şikes ýetmelere getiren heläkçilige uçramagy zerarly gynanç hatyny iberdi.
Döwlet Baştutany şu agyr pursatda gurban bolanlaryň ähli dogan-garyndaşlaryna hem-de ýakynlaryna Türkmenistanyň halkynyň hem-de Hökümetiniň adyndan, şeýle-de hut öz adyndan ýürekden gynanjyny we medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
25-nji dekabrda "Azerbaijan Airlines" awiakompaniýasynyň Bakuwdan Grozna gatnawy ýerine ýetirýän raýat uçary Gazagystanda heläkçilige uçrady. Uçarda 62 ýolagçy we bäş sany ekipaž agzasy bardy. Şolardan 28 adam diri galdy.
