Saud Arabystany Ýewropanyň GMT Robotics kompaniýasy bilen Neom futuristik megataslamada robot tehnikasyny ulanmak üçin şertnama baglaşdy. Şeýtmek bilen, Patyşalygyň hökümeti taslamany durmuşa geçmegi çaltlaşdyrmak we çykdajylaryny azaltmak isleýär diýip, New Atlas habar berýär.
Saud Arabystany öz ykdysadyýetini syýahatçylyga gönükdirmek üçin çöl landşaftyny işjeň ýagdaýda özgerdýär. Sebäbi häzirki wagtda ýurt esasan nebite köp bil baglaýar. Ýakyn ýyllarda gazylyp alynýan baýlygyň ulanylyşynyň azalmagyna garaşylýar, şonuň üçin hökümet täze girdeji çeşmelerini gözleýärler, syýahatçylyk bu babatda geljegi uly ugurdyr.
Neom taslamasy Line megapolisiniň, Epicon ekiztaý gökdirän binalarynyň we şular bilen bagly infrastrukturanyň gurluşygyny öz içine alýar. Şeýle uly göwrümli taslamany durmuşa geçirmek ep-esli serişdäni we işçi güýjüni talap edýär, emma prosesi awtomatlaşdyrmak çykdajylary azaldar. Şonuň üçin Neom-yň Maýa goýum gaznasy (NIF) ünsi awtomatlaşdyrmaga gönükdirjek GMT Robotics-e maýa goýmak kararyna geldi. Robotlaryň görnüşleri barada entek anyk bir zat aýdylmady, ýöne esasy üns armatur önümçiligine gönükdirilendir, sebäbi Neom taslamasy global polat üpjünçiliginiň 20% -ini tutýar.
Neom eýýäm beton önümçiligine maýa goýdy we 2034-nji ýylda Saud Arabystanynda futbol boýunça dünýä çempionatyny geçirmek hukugynyň alynmagy bolsa gurluşygy çaltlaşdyrmaga goşmaça itergi berýär.
