Donkaster (Beýik Britaniýa) şäherinde bahasy 6,3 million ýewro (takmynan 7,9 million dollar) bolan ak kökeden ýasalan öýjagaz peýda boldy. Mirror neşiriniň habar bermegine görä, süýjüligiň üsti bilen ýürek söýgüsini bildirmegi karar eden müşderiniň haýyşy boýunça konditer Debbi Wingem bişirdi.
Öýi gurmak üçin Debbä iki hepde gerek boldy. Onuň esasy imbirli kökeden ybarat we bezegi üçin bolsa şeker tozy, şokolad, süýji pomadka we sepilýän owuntyklar ulanyldy. Merkezinde gülgüne göwher goýlup, onuň töweregi ýene üç sany gymmatbaha daş bilen gurşalan.
Öýjagaz Ispaniýanyň Puerto-Banus şäherinde ýerleşýän Dolce & Gabbana söwda dükanynyň iýilýän nusgasydyr. Ony taýýarlamak üçin 15 kg un we 17 kg şeker gerek boldy.
“Korollygyň adamlaryndan başlap, meşhur adamlara çenli köp müşderi üçin süýjülik sungat eserlerini ýasadym. Ýöne bu meniň ýürek söýgisini bildirmek üçin taýýarlan ilkinji önümim"-diýip, Wingem gürrüň berdi.
Debbi 2015-nji ýyldan bäri süýjülik taýýarlamak sungaty bilen meşgullanýar we ozal Dubaýdaky Bütindünýä söwda merkezinde geçen Bride sergisinde görkezilen 1 million dollarlyk toý torty bilen meşhurlyk gazanypdy.
