Flagman EV9 elektrik krossoweri Kia model hatarynda kubizm modasyny görkezýär. Täze Kia Syros parketnik ulagy şol birmeňzeş “inedördül” dizaýny aldy.
Syros-yň uzynlygy 3995 mm, ini 1800 mm we beýikligi 1665 mm. Teker bazasy - 2550 mm. Täze önüm Kia Sonetden 10 mm giň we 55 mm beýikdir, 50 mm uly basgançak aralygy bar, bu bolsa Syros-yň salonyny şeýle uzynlykdaky kuzowda has giňiş edýär. Bagažyň göwrümi hem has uludyr: 385 litre derek 465.
Kia Syros-yň salony EV maşgalasynyň elektrik modellerini ýada salýar. Ýasy düýpli iki dilli ruly we bir aýnanyň astynda birleşdirilen 12,3 dýuýmlyk ekrany bar. Olaryň arasynda ýene biri - howa gözegçiligi dolandyryjy 5 dýuýmlyk ekran bar.
Enjamlaryň sanawyna simsiz täzelenme, dört oturgyjyň hemmesini şemalladyjy, ikinji hataryň merkezi tirsekgoýarly we 60:40 gatnaşykda eplenýän funksiýaly oturgyçlary, sürüjisiniň tokly dolandyrylýan oturgyjy, 8 dinamikli Harman Kardon audio ulgamy, goşa panelli panoramaly lýuk, elektron duralga tormozy, alty sany howpsuzlyk ýassygy, öň we yzky duralga datçikleri, töweregi 360 dereje alýan kamera we 2-nji derejeli ADAS paketi girýär.
Bazara ilkinji bolup içinden otlanýan hereketlendirijili wersiýalary çykar. Geljekde Kia diňe elektrik modifikasiýasyny goýbermegi meýilleşdirýär.
Kia Syros alty komplektasiýada hödürlener, ýöne olaryň bahasy fewral aýynda yglan ediler. Hindistanda modeliň başlangyç bahasynyň 1 million rupiýa (takmynan, 11,8 müň dollar) boljakdygy mälimdir.
