Nvidia kompaniýasy emeli aňyň meseleleri üçin niýetlenen täze, bir plataly Jetson Orin Nano Super kompýuterini hödürledi. Enjam dronlarda, robotlarda we beýleki akylly ulgamlarda ulanmak üçin amatly.
Jetson Orin Nano Super 1,7 GGs tizlikli alty ýadroly Arm Cortex-A78AE prosessory, 8 Gb RAM we 1024 CUDA ýadroly hem-de 32 tenzor ýadroly GPU bilen işleýär. Bu çylşyrymly AI meseleleri ýerine ýetirilende ýokary öndürijiligi üpjün edýär.
Enjamyň bahasy 249 dollar bolup, bu öňküsinden iki esse arzandyr. Öndürijiligi 70% ýokarlandy we 67 TOPS-a ýetdi. Enjam USB Type-C ýa-da 25 Wt-dan başlaýan kuwwatly öz birleşdirjisi arkaly zarýad almagy goldaýar.
Jetson Orin Nano Super dört sany 10Gbit/s-lik USB 3.2 Type-A porty, kameralary birleşdirmek üçin iki sany MIPI CSI porty, M.2 2280 we M.2 2230 SSD birleşdirijisi we Raspberry Pi bilen gabat gelýän 40 pinli GPIO bilen enjamlaşdyrylan.
Ol Nvidia-nyň ýöriteleşdirilen Linux wersiýasy bolan L4T-niň dolandyrmagynda işleýär. Kompýuteriň görmek wezipeleri 104% -e, dil modelini öwretmek 63% -e, şekilleri tanamak 69% -e çenli ýokarlandy.
Jetson Orin Nano Super-iň satuwy aýyň ahyrynda başlar.
