Netflix meşhur amerikaly boksçy we dünýäniň agyr agramdaky öňki absolýut çempiony Maýk Taýson hakda dokumental film döretmäge girişer. Bu barada akym platformasynyň metbugat gullugy habar berdi.
Taslama Taýsonyň durmuşynyň ähli tapgyrlaryny öz içine alar.
Netflix-iň resmi metbugat çykyşynda belleýşi ýaly, "Serial onuň okgunly ýokary galşyndan “uçardaky iň ýaramaz adam” statusyna çenli we tussaglykda oturan döwrüni öz içine alýan, metbugatda giňden beýan edilen şahsy göreşlerine çenli <...> we ahyrsoňunda bagyşlanmagy ýaly, ellikleriň aňyrsynda gizlenen adamy öwrenýär" diýilýär.
Taýsonyň özi bu taslama gatnaşmagyny möhüm ädim diýip belledi.
Boksçy: “Adamlaryň köpüsi, özlerini öz durmuş hekaýatlarynyň gahrymanlary hökmünde görkezmek isläp, durmuşyna obýektiw garamakdan gorkýarlar. Emma biz hakykatdanam obýektiw bolan bolsadyk, onda hiç haçan öz durmuş hekaýatlarymyzyň gahrymany bolup bilmezdik ahyry, muny hemmämizem bilýäris. Bu durmuşa goşan goşandymyz barada doly hasabat bermek üçin aýnadaky adamyň ýüzüne seretmek bilen, onuň gowy we erbet taraplaryny kabul etmegi başarmagymyz gerek" - diýdi. Onuň sözlerine görä, Netflix – ömür taryhynyň dünýä derejesine ýetenligi sebäpli, öz hekaýatyny gürrüň bermek üçin iň amatly platforma.
