ABŞ-nyň Federal raýat awiasiýasynyň administrasiýasy SpaceX-iň täze Starship prototipini işe girizmäge rugsat berdi. Synag uçuşy 2025-nji ýylyň 11-nji ýanwarynda irden Tehasdaky meýdançadan meýilleşdirilýär diýip, x.com habar berýär.
Bu gezekki synag uçuşy enjamlaryň täze görnüşlerini öz içine alar: onda Ship 33 ýokarky basgançagy we Super Heavy 14 tizlendiriji bar.
Esasy meseleleriň biri uçuşdan gaýdyp gelende tizlendirijini tutmak üçin gaýtadan synanyşyk bolar. Starship kosmos gämisiniň synagy uçuşy Hindi ummanynyň gündogar böleginde bölünişik bilen tamamlar. Onda esasy üns geçen synaglardaky zaýalanma alamatlaryny görkezen ýylylyk goragyna gönükdiriler.
Mundan başga-da, synaglarda ýylylygy ölçeýji bilen (surata alýan) enjamlaşdyrylan “Gulfstream V” uçary ulanylar. NASA kosmos gämisiniň atmosfera gireninde obşiwkalarynyň (gorag örtüginiň) ýagdaýy barada täze maglumatlary almagy we olary öwrenmegi meýilleşdirýär. Bu wezipeleri ýerine ýetirmek üçin uçar awiasiýa edaralarynyň goşmaça razylygyny talap edýän daşarky yşyklandyryşsyz uçmaly bolar diýip, ixbt.com ýazýar.
