Saud Arabystanynda geçiriljek futbol boýunça 2034-nji ýylyň Dünýä çempionatynda stadionlarda alkogolly içgiler satylmaz. Bu ýerli kanunlar hem-de Halkara futbol federasiýasynyň (FIFA) olary bozmazlyk baradaky karary bilen bagly gelip çykýar diýip, The Guardian neşiri habar berýär.
FIFA, ýaryşy gurnaýjylar bilen stadionlarda hatda piwo satmak mümkinçiligini hem ara alyp maslahatlaşmagy meýilleşdirmeýär.
Bu ýagdaý, esasan, Katarda geçirilen 2022-nji ýylyň Dünýä çempionatynyň tejribesi bilen baglanyşykly. Şonda ilkibaşda piwo satmaga rugsat berlipdi, ýöne ýaryş başlamazdan iki gün öň häkimiýetler bu karary ýatyrdylar. FIFA hemaýatkäriň - iri piwo kärhanasynyň çeken zyýanynyň öwezini dolmaly bolupdy, bu federasiýa takmynan 40 million funt sterlinge düşüpdi.
11-nji dekabrda Saud Arabystanynyň 2034-nji ýylyň dünýä çempionatynyň resmi taýdan ýer eýesi bolandygyny ýatladýarys. Ýaryşlar ýerli däp-dessurlaryň we kanunçylygyň pugta berjaý edilmegi şertlerinde geçer.
