Režissýor, “La-La Lend” filmi üçin “Oskar” baýragynyň eýesi Demien Şazell amerikaly kaskadýor Iwel Kniwel barada täze filmi surata düşürmäge taýýarlanýar. Bu filmde baş keşbi Leonardo Di Kaprio ýerine ýetirer diýip, World of Freel habar berýär.
Iwel Kniwel motosiklde ýerine ýetirýän dürli hereketleri bilen meşhur boldy we hatda iň köp döwügi bolan adam hökmünde Ginnesiň rekordlar kitabyna girdi – karýerasynda 433-den gowrak döwük. Ýöne onuň karýerasy dawaly tamamlandy: adamyň üstüne gaçandan soň, ol ähli şertnamalaryny ýitirdi we alty aý tussaglykda boldy.
Geljekki filmiň ssenarisini Uilýam Monahan ýazar.
“La-La Lend” mýuzikliniň üstündäki iş Şazelli “Iň gowy režissýorlyk” kategoriýasynda “Oskar” baýragynyň iň ýaş laureatyna öwürdi. Şeýle-de, ol “Ýoluganlyk” (Одержимость) dramasynyň režissýory hökmünde tanalýar. Režissýoryň soňky doly metražly filmi “Wawilon” prokatda şowsuz boldy, ol 80 mln dollar býujet bilen 63 mln dollar gazandy.
