“Al-Nasr” saud klubunyň futbolçylary toparyň ýolbaşçylygyndan sowgat hökmünde kaşaň BMW awtoulaglaryny aldylar. Bu barada Foormercato neşiri habar berýär.
Bellenilişi ýaly, şeýle etmek bilen klub oýunçylary katoliki Roždestwo bilen gutlady.
Her oýunça gara reňkli we radiatorlaryň gyzyl çyzyklary bilen täze BMW XM 2024 sowgat berildi. Awtomobilleriň oýunçylaryň familiýalary we awtograflary bilen şahsylaşdyrylan belgileri bar. Her awtoulagyň bahasy azyndan 159 müň dollara barabar.
“Al-Nasryň” portugaliýaly hüjümçisi Kriştianu Ronaldu we senegally oýunçy Sadio Mane eýýäm täze awtomobillerini barlap gördüler.
