20-nji dekabrda dünýäniň kinoteatrlarynda iki uly kino taslamasy – Disney-den “Mufasa: Şa Ýolbars” we Paramount kinokompaniýasyndan “Sonik 3 kinoda” görkezildi.
“Mufasa” filmi iki döwrüň wakasyny gürrüň berer. Olaryň birinde Rafiki, Timon we Pumba Simbanyň ogluna Mufasa barada gürrüň berer, beýlekisinde Mufasanyň öz wakasy görkeziler.
Lenta “Şa ýolbars” multfilminiň kinoremeýkiniň hem prikweli, hem sikweli bolar. Asyl filmde bolşy ýaly, bu film hem kompýuter grafikasynyň kömegi bilen döredildi. Remeýkden öz rollaryna ses bermäge Donald Glower, Set Rogen, Billi Aýkner, Jon Kani we Beýonse gaýdyp geldi, olara Aaron Pýer we Mads Mikkelsen hem goşuldy. Şeýle-de, filmde Beýonse bilen Jay-Z-niň 12 ýaşly gyzy – aýdymçy Blýu Aýwi Karter ilkinji gezek çykyş eder.
“Sonigiň” üçünji bölüminde baş gahryman atasy Robotnigiň döreden roboty Şedou bilen ýüzbe-ýüz bolar. Ýagdaý Egmanyň weýran bolan Haos zümerretlerinden kiçi bir zümerredi almagy bilen kynlaşýar. Bu oňa Sonigiň metal görnüşini döretmäge mümkinçilik berýär.
Taslamada Sonigiň roluna Ben Şwars gaýdyp geldi, Doktor Eggmanyň roluny bolsa ýene-de Jim Kerri ýerine ýetirer. Şeýle-de, filme Jeýms Marsden, Idris Elba we Kianu Riwz gatnaşdy.
