Illinoýs amerikan ştatynda “Ýeke özi öýde” filmi bilen belli bolan jaýy satmak boýunça şertnama ýapyldy. Täze hojaýyn jaýy 5 mln dollara satyn aldy. Ilkibaşda emläk 5,25 mln dollar bilen bahalandyrylypdy diýip, Entertainment Weekly ýazýar.
“Biz bu jaýyň kinematograf taryhynda özüne mynasyp orny we ýatdan çykmajak baýramçylyk ýatlamalary bilen hemmeleriň ünsüni we söýgüsini özüne çekendigine haýran galýarys” – diýip, Coldwell Banker Reality-dan satuw agenti belledi.
Jaý 1921-nji ýylda guruldy. Onda bäş ýatylýan otag, alty wanna otagy, türgenleşik zaly, kinoteatr, ýapyk sport korty, iki kir ýuwulýan otag we üç orunlyk garaž bar. Jaýyň öňki eýeleri ony 2012-nji ýylda 1,585 mln dollara satyn aldy, 2018-nji ýylda bolsa döwrebap abatlaýyş geçirdiler. Birwagtlar jaýy Kewiniň roluny ýerine ýetiren aktýor Makoleý Kalkiniň özi-de satyn almakçy boldy.
“Käwagt öýüň golaýynda “Kewiniň sesini” eşiderdim. Adamlaryň bu jaýy görüp, tolgunýandygyny görmek gyzyklydy” – diýip, emlägiň öňki eýesi Trişa Jonson paýlaşdy.
