Meta-nyň baş direktory Mark Sukerberg ilkinji gezek "Threads" boýunça işjeňlik maglumatlary paýlaşdy. Onuň sözlerine görä, sosial ulgamy her gün 100 milliondan gowrak ulanyjy ulanýar we platformanyň aýlyk ulanyjylary takmynan 300 million adam bolýar.
2023-nji ýylyň tomsunda işläp başlan "Threads" sosial ulgamy X-iň (öňki Twitter) esasy bäsdeşi hökmünde görkezilýär. Ilon Maskyň sosial ulgamynyň syýasatynda bolup geçen soňky üýtgeşmeleriň netijesinde köp sanly ulanyjy Sukerbergiň sosial ulgamyna geçýär.
Tomaşaçylaryň ýene bir bölegi “Bluesky” sosial ulgamyny saýlaýar. Bu platforma heniz beýlekiler bilen bäsdeşlik görkezip bilmese-de, täsirli ösüşi görkezýär: sentýabr aýyndan bäri hasaba alnan ulanyjylaryň sany 10-dan 25 milliona çenli artdy.
Meta interfeýsi yzygiderli täzeläp, täze aýratynlyklary goşup, Threads-y işjeň ösdürmegi dowam etdirýär. Onda iň soňky yglan edilen täzelikleriň biri hem - diňe ýazylan ulanyjylaryňyzyň bildirişlerini görüp bilmek mümkinçiligidir diýip, gagadget.com ýazýar.
