Amerikaly kino aktýory Tom Kruz “Top Ganyň” iki filmindäki keşbi üçin ABŞ-nyň Harby-deňiz güýçleriniň baýragyna mynasyp boldy diýip, Independent habar berýär.
“Missiýany amala aşymak mümkin däl” franşizasynyň ýyldyzy ajaýyp jemgyýetçilik hyzmaty üçin sylaglandy. Adatça, bu baýrak raýat adamlaryna gahrymançylykly hereketleri üçin ýa-da ABŞ-nyň Harby-deňiz güýçlerine beren saldamly goldawy üçin gowşurylýar.
Baýrak aktýora Angliýanyň Surreý graflygynyň Çertsi şäherinde ýerleşýän “Longkross” kinostudiýasynda ABŞ-nyň Harby-deňiz güýçleriniň sekretary Karlos Del Toro tarapyndan gowşuryldy.
Dabarada Kruz özüniň "buýsanýandygyny we tolgunýandygyny" boýun aldy.
“Durmuşda meniň üçin iň möhüm zat - ýolbaşçylyk etmek diýmek hyzmat etmek diýmegi aňladýar. Munuň kalbyň çuňlugynda bolýandygyny bilýärin we hut şuny harby erkeklerdir aýallarda görýärin. Aktýor: "Her kimde bar bolan wepalylyga ýokary baha berýärin we olara wekilçilik etmek meniň üçin hakykatdanam mertebedir" -diýdi.
“Top Gun” filmlerinde ABŞ-nyň Harby-deňiz güýçleriniň uçarmanlarynyň durmuşy we karýerasy beýan edilýär. Tom Kruz olarda uçarman Pit “Mawerik” Mitçeliň keşbini ýerine ýetirdi.
