Marvel “Gara Babyr-3” filminiň işlenip taýýarlanýandygyny tassyklady

  • 20.12.2024 20:59
  • 3.2k+

Marvel Studios “Gara Babyr-3” filmini döretmek işleriniň başlanandygyny resmi taýdan yglan etdi. Maglumaty studiýanyň ýolbaşçysy Kewin Faýgi Collider neşiri bilen söhbetdeşlikde tassyklady.

Taslamanyň üstünde işlemegini ozal franşizanyň birinji we ikinji filmleri bilen meşgullanan prodýuser Neýt Mur dowam etdirer. Kompaniýadan gidendigine garamazdan, Mur bu filmi tamamlamak üçin Marvel-e goşular.

“Bize onuň bilen indiki “Gara Babyr” filmimiziň üstünde täzeçe işlemek nesip etdi. <…> Neýt – ajaýyp ýolbaşçy we kärdeş, şeýle-de bu ýerde, Marvel Studios-da hemmämiz üçin ajaýyp dost. <…> Biz ony küýsäris we onuň näme etjekdigine sabyrsyzlyk bilen garaşýarys” – diýip, Faýgi belledi.

Öz gezeginde aktýor Denzel Waşington ozal Raýan Kugleriň franşizanyň üçünji bölüminde özi üçin rol ýazýandygyny habar berdi. Şeýle-de bolsa, onuň täze filme gatnaşjakdygy resmi taýdan tassyklanmady.
“Gara Babyr-3” filminiň premýerasynyň takyk senesi belli däl. Birinji film 2018-nji ýylda, onuň dowamy bolsa 2022-nji ýylda çykdy.


şu gün 01:03
282

Lionsgate “Alagaraňkylyk” filmlerini 4K formatda gaýtadan prokata çykarar

Lionsgate “Alagaraňkylyk” (Сумерки) filmlerini gaýtadan prokata çykarýandygyny mälim etdi. Franşizanyň ähli filmleri ABŞ-da täzelenen 4K görnüşde görkeziler. Filmleriň görkezilişi oktýabrda başlar diýip, Discussing Films twitter-akkaunty habar berdi...

düýn 17:21
1.3k+

Wenesiýa kinofestiwaly badalga aldy: Werner Hersog “Altyn ýolbarsa” mynasyp boldy

Italiýada 82-nji Wenesiýa kinofestiwaly öz işine başlady. Festiwalyň ilkinji güni kinematografda bitiren hyzmatlary üçin “Altyn ýolbars” hormat baýragynyň gowşurylyş dabarasy geçirildi. Şu ýyl ony germaniýaly režissýor Werner Hersog aldy...

27.08.2025 16:00
2k+

Netflix-iň çykaran filmi ilkinji gezek ABŞ-da prokatyň öňdebaryjysy boldy

Netflix-iň “Keý-pop melgun awçylary” animasion filmi amerikan prokatynda birinji orny eýeledi. Ilkinji dynç günleri film 18-20 mln dollar töweregi gazandy diýip, Variety habar berýär. Adatça Netflix kinoteatr relizlerinden gaça durýar...

27.08.2025 14:29
4.3k+

«Awatar 3-iň» täze kadry peýda boldy. Onda öňki ganhor gaýdyp gelýär

«Awatar: Ot we kül» (Avatar: Fire And Ash) filminiň premýerasy şu ýylyň iň köp garaşylýan kino wakalarynyň biridir. Jeýms Kemeronyň franşizasynyň üçünji bölüminiň 19-njy dekabrda görkezilmegine garaşylýar. Häzirlikçe döredijiler taslama barada bölekleýin maglumatlary paýlaşýarlar...