Prezident Serdar Berdimuhamedow Malaýziýanyň Premýer-ministri Anwar Ibrahime özara sapar bilen Türkmenistana gelmäge çakylygy gowşurdy. Bu barada Türkmenistanyň Prezidentiniň Malaýziýa resmi saparynyň jemleri boýunça Bilelikdäki Beýannamada aýdylýar.
Premýer-ministr Anwar Ibrahim çakylygy minnetdarlyk bilen kabul etdi. Iki tarap saparyň möhletleriniň diplomatik ýollar boýunça kesgitleniljekdigi barada ylalaşdylar.
Şeýle hem Serdar Berdimuhamedow Türkmenistanyň wekiliýetiniň Malaýziýada bolan döwründe mähirli kabul edilendigi hem-de ak ýürekli myhmansöýerlik üçin Premýer-ministr Anwar Ibrahime we Malaýziýanyň halkyna çuňňur minnetdarlyk bildirdi.
Belläp geçsek, Türkmenistanyň Prezidenti Malaýziýanyň Premýer-ministri Dato Seri Anwar bin Ibrahimiň çagyrmagy boýunça 2024-nji ýylyň 18-19-njy dekabrynda Malaýziýa resmi sapary amala aşyrdy.
