“Asteriks we Obeliks: serdarlaryň söweşi” (Астерикс и Обеликс: Поединок вождей) multserialynyň ilkinji treýleri çykdy. Multserialyň premýerasy 2025-nji ýylyň ýazynda Netflix platformasynda bolar.
Serialyň sýužeti ady belli gallaryň täze başdangeçirmeleri barada gürrüň berer. Asteriks, Obeliks we olaryň ýaranlary rimli basybalyjylary saklamak üçin täze usullary oýlap tapmaly bolar.
Taslamanyň döredijisi 2002-nji ýylda “Missiýa “Kleopatra” (Миссия «Клеопатра») doly metražly filmini surata düren fransiýaly režissýor we aktýor Alen Şaba boldy. Onuň täze işi alty bölümden ybarat bolar.
Asteriks we Obeliks baradaky soňky doly metražly film 2023-nji ýylda “The Middle Kingdom” (Поднебесная) goşmaça sözbaşysy bilen çykdy. Lenta dünýä prokatynda 46 mln dollar ýygnady we tankytçylaryň dürli seslenmelerini aldy.
