2025-nji ýylyň 18-nji ýanwarynda Los-Anjelesde (ABŞ) garyşyk başa-baş söweş boýunça UFC 311 ýaryşy geçiriler. Esasy waka ýeňil agramda UFC-niň çempiony Islam Mahaçew bilen dalaşgär Arman Sarukýanyň arasyndaky rewanş bolar. Promouşen geljekki wakanyň ilkinji mahabat wideosyny hödürledi.
Mahaçew bilen Sarukýanyň arasyndaky ilkinji söweş 2019-njy ýylda geçirildi we şonda emin agzalarynyň biragyzdan karar bermegi bilen Islam ýeňdi. Şondan bäri Arman dört söweşe gatnaşyp, ynamly ýeňiş gazandy. Mahaçew Sarukýany ýeňenden soň, çempion titulyny gazandy we yzygiderli dokuz garşydaşyny ýeňdi.
Şeýle-de, mahabat wideosynda ýeňilmedik dagystanly Umar Nurmagomedow (18-0) bilen iň ýeňil agramda UFC-niň häzirki çempiony gruziýaly Merab Dwalişwiliniň (18-4) arasynda geçiriljek esasy söweşleriň biri yglan edilýär. Dwalişwili ilkinji gezek titul goragyny geçirer.
