Metacritic portaly ýylyň jemini jemläp, kino tankytçylardan iň ýaramaz synlary alan filmleriň sanawyny düzdi. Antireýtingde birinji orny 100-den bary-ýogy 6 bal alan ylmy-fantastik triller “Lýumina” eýeledi.
Ol ýylyň dowamynda 10-dan pes bal alan ýeke-täk film boldy. Tankytçylar ssenariniň gowşaklygyny we žanra ýöntem çemeleşilendigini bellediler. Tankytçylar filmi şeýle bir halamady welin, Rotten Tomatoes platformasynda onuň reýtingi 18 synçynyň baha bermesinden soň 0% boldy.
Ikinji orunda Meksikanyň “Arzuwlar şäheri” dramasy (14 bal) ýerleşdi. Gizlin fabrikada işlemek üçin alnyp gaçylan oglanjyk barada gürrüň berýän film sýužetiň lenç edilenligi üçin tankyda sezewar boldy.
Üçünji orny Nil Marşalyň “Gersoginýa” filmi (22 bal) eýeledi. Bu film gözçykgynç derejede öýkünilenligi sebäpli dürli seslenmelere getirdi.
Metacritic boýunça 2024-nji ýylyň iň erbet filmleri:
- ·“Lýumina” (Люмина) – 6 bal
- ·“Arzuwlar şäheri” (Город грез) – 14 bal
- ·“Gersoginýa” (Герцогиня) – 22 bal
- ·“Reýgan” (Рейган) – 22 bal
- ·“Dälihana” (Дурдом) – 23 bal
- ·“Hanym Kerep” (Мадам Паутина) – 26 bal
- ·“Zalymlygyň taryhy” (История зла) – 26 bal
- ·“Borderlends” (Бордерлендс) – 26 bal
- ·“Meri” (Мэри) – 26 bal
- ·“Winni-Puh: Gan we bal 2” (Винни-Пух: Кровь и мед 20 – 27 bal.
Abraýly Variety neşiri hem ýylyň iň erbet filmleriniň sanawyny düzdi. Tankytçylaryň pikiriçe, sanawa Kris Paýnyň “Howuz arassalaýjysy” (Чистильщик бассейнов) filmi, Keýt Blanşett bilen “Myş-myşlar” (Слухи) komediýasy, “Reýgan” (Рейган) baýopigi, Lýuk Bessonyň “Dogmen” (Догмен) filmi, “Gapan” (Мышеловка Микки) sleşeri we Zak Snaýderiň “Pitneçi Aý” (Мятежная Луна) filminiň režissýorlyk wersiýasy girdi.
