OpenAI ähli ulanyjylar üçin ChatGPT arkaly internet gözlegini açdy

  • 19.12.2024 11:01
  • 1.4k+
OpenAI ähli ulanyjylar üçin ChatGPT arkaly internet gözlegini açdy

OpenAI gözleg ulgamlarynyň bazarynda Google-a bäsdeş boldy. Kompaniýa ChatGPT çat-boty arkaly internet gözlegini ähli ulanyjylar üçin elýeterli etdi diýip, 3Dnews habar berýär.

Mundan öň çat-bot diňe premium wersiýa ýazylan ulanyjylar üçin gözleg funksiýasyny ýerine ýetirýärdi. Indi bu hyzmatdan akkaunta girip, çat-botuň ykjam goşundylarynyň ýa-da hyzmatyň web-wersiýasynyň üsti bilen peýdalanmak bolýar.
Täze funksiýa ChatGPT Search adyny aldy. Ol adaty çatda bolşy ýaly sorag bermäge we web-çeşmelere salgylanmalar bilen çalt, degişli jogaplary almaga mümkinçilik berýär. Bot internete ýüzlenmegiň zerurlygyny awtomatik kesgitleýär, ulanyjylar bolsa gözlegiň şertlerini anyklaşdyryp ýa-da jikme-jik maglumatlary sorap biler.
Mundan başga-da, ChatGPT Search-y brauzerde esasy gözleg ulgamy hökmünde görkezmek bolar.
Funksiýanyň işe girizilmegi OpenAI-iň 12 günlük anonslar marafonynyň bir bölegi boldy. Öň, kompaniýa aýda 200 dollara ChatGPT Pro ýazylyşygy we emeli aňyň kömegi bilen wideo döretmek üçin Sora guralyny hödürledi. Ýakyn günlerde täze anonslaryň bolmagyna garaşylýar.

Google resmi taýdan Pixel 10a-ny tanyşdyrdy, sargytlar 18-nji fewralda başlanýar
düýn 13:17
1.1k+

Google resmi taýdan Pixel 10a-ny tanyşdyrdy, sargytlar 18-nji fewralda başlanýar

Google resmi taýdan Pixel 10a smartfonyny tanyşdyrdy we deslapky sargytlaryň 2026-njy ýylyň 18-nji fewralynda başlanjakdygyny yglan etdi. Enjamyň maslahat berilýän bahasy 499 dollar derejesinde galar. ​Täze önümiň esasy artykmaçlyklarynyň biri hem ýedi ýyl dowam etjek programma üpjünçilik täzelemesi bolar...

Adamlar biri-birine ynanmaýan syrlaryny emeli aňa ynanýarlar
04.02.2026 00:51
2.6k+

Adamlar biri-birine ynanmaýan syrlaryny emeli aňa ynanýarlar

Täze barlaglar adamlaryň biri-birek bilen paýlaşýan, hatda kähalatda biri-birilerine aýtmaga-da dözmeýän syrlaryny emeli aňa ynanýandyklaryny ýüze çykardy. Fraýburg we Geýdelberg uniwersitetleriniň alymlary tarapyndan geçirilen şeýle barlagyň netijeleri Communications Psychology žurnalynda çap edildi...

OpenAI 13-nji fewraldan başlap GPT-4o we beýleki köne modellerini öçürer
31.01.2026 18:17
1k+

OpenAI 13-nji fewraldan başlap GPT-4o we beýleki köne modellerini öçürer

13-nji fewraldan başlap OpenAI kompaniýasy ChatGPT interfeýsinden könelen emeli aň modellerini aýyrýar. Ulanyşdan aýryljak modelleriň hatarynda GPT-4o, GPT-4.1, GPT-4.1 mini we OpenAI o4-mini bar. Işläp düzüji mundan beýläk ähli ünsüni GPT-5 seriýasynyň häzirki zaman wersiýalaryna, hususan-da, ulanyjylaryň aglaba böleginiň makullaýan GPT-5...

Emeli aň ABŞ-nyň taryhy hakynda serial taýýarlady
31.01.2026 03:34
2.5k+

Emeli aň ABŞ-nyň taryhy hakynda serial taýýarlady

Internet torunda emeli aňyň kömegi bilen döredilen «On This Day… 1776» («Şu gün... 1776-njy ýyl») atly taryhy serialyň treýleri peýda boldy. Filmde ABŞ-nyň garaşsyzlyk ugrundaky göreşi barada gürrüň berilýär. Serialyň prodýuseri hökmünde «Arzuwlaryň rekwiýemi» («Реквием по мечте») we «Nuh» («Ной») filmleri bilen meşhur bolan režissýor Darren Aronofskiniň çykyş etdi...