Ýewropada Santa-Klauslaryň her ýyl geçirilýän haýyr-sahawat ylgaw ýaryşlary guraldy. Ýörite kostýumlary geýen gatnaşyjylar çagalara kömek etmek maksady bilen pul ýygnamak üçin marafon geçdiler. Çäre Fransiýa, Wengriýa we Kosowo ýaly birnäçe ýurtlarda geçirildi diýip, Euronews habar berýär.
Kosowoda Santa-Klausyň eşigini geýen bäş müňe golaý adam Priştinadaky hassahanalaryň biriniň pediatrik bölümine pul ýygnamak üçin ylgawa gatnaşdylar.
Fransiýada ylgawçylar Parižiň etegindäki Issi-le-Mulinoda 10 kilometr aralygy geçdiler we bu ýerde guramaçylar müňlerçe gatnaşyja gyzyl-ak başgaplary we ýapynjalary paýladylar.
Budapeştde ylgaw ýaryşyna gatnaşyjylar gyzyl-ak reňkli suwda ýüzmek üçin niýetlenen geýimlerde ylgadylar.
“Haçan-da men bu çäräni birinji gezek görenimde, men bu ýeriň meniň üçindigini duýdum we ýalňyşmandyryn. Bu diňe bize däl, eýsem geçip barýan adamlara-da ajaýyp täsirleri berýän uly baýramçylyk” – diýip, ylgaw ýaryşyna gatnaşyjy Klara Miçan belledi.
Santa-Klauslaryň ylgaw ýaryşy eýýäm 21 ýyl bäri geçirilýär, gatnaşyjylardan gelen goşant bolsa haýyr-sahawat maksatlaryna gönükdirilýär.
