“Moana 2” multfilmi 2024-nji ýylyň iň girdejili filmleriniň sanawynda dördünji boldy. Disney studiýasynyň taslamasy dünýä prokatynda 717 mln dollar gazandy, bu hem oňa “Dýuna. Bölüm 2” filminden (714,4 mln dollar) öňe geçmäge mümkinçilik berdi.
Polineziýaly serdaryň gyzynyň başdangeçirmeleri baradaky ikinji film tankytçylardan dürli seslenme aldy: Rotten Tomatoes-de 62% we Metacritic-de 100-den 58 bal. Ýöne bu lenta ABŞ-da we Kanadada 337,5 mln, şeýle-de halkara sebitlerde 379,5 mln dollar gazanmaga päsgel bermedi.
Prokatyň öňdebaryjylary “Tapmaça 2” (Головоломка 2, $1,696 mlrd), “Dedpul we Rosomaha” (Дэдпул и Росомаха, $1,338 mlrd) we “Ýigrenji men 4” (Гадкий я 4, $969 mln) bolmagynda galýar.
Ilkinji onluga “Zalym: Günbataryň jadygöýi barada erteki” (Злая: Сказка о ведьме Запада) mýuzikli hem goşuldy. Sekizinji orny eýelän film 524 mln dollar girdeji gazandy, şolardan 359 mln Demirgazyk Amerikanyň, 165 mln halkara bazarlaryň paýyna düşýär
“Zalym” Brodweýiň mýuzikliniň iň girdejili ekranlaşdyrylmasy boldy, ol “Briolinden” öňe geçdi.
