ABŞ-da Billboard Music Awards 2024 baýragynyň gowşurylyş dabarasy geçirildi. Şu ýyl iň köp baýrak alan Teýlor Swift boldy. Ol 10 baýraga, şol sanda “Iň gowy ýerine ýetiriji” nominasiýasynda baýraga mynasyp boldy. Onuň The Tortured Poets Department albomy iň gowy albom diýlip ykrar edildi.
Aýdymçy tutuş karýerasynyň dowamynda BMA-nyň jemi 49 heýkelini aldy, bu bolsa rekorddyr. Ol bu görkeziji boýunça repçi Dreýkden öňe geçdi.
Baýraklaryň sany boýunça Swiftiň yzyndan bäş heýkel bilen Zak Braýan we dört heýkel bilen Morgan Uollen gelýär. Ýene dört aýdymçy özara üç baýragy paýlaşdy: Shaboozey, Bad Bunny, Dreýk we Elevation Worship.
Käbir esasy nominasiýalarda Billboard Music Awards 2024-üň ýeňijileri:
- ·Iň gowy ýerine ýetiriji – Teýlor Swift
- ·Iň gowy täze ýerine ýetiriji – Çappell Roan
- ·Iň gowy aýdymçy – Morgan Uollen
- ·Iň gowy zenan aýdymçy – Teýlor Swift
- ·Iň gowy duet/topar – Fuerza Regida
- ·Iň gowy R&B ýerine ýetirijisi – SZA
- ·Iň gowy repçi – Dreýk
- ·Iň gowy kantri ýerine ýetirijisi – Morgan Uollen
- ·Iň gowy zenan kantri ýerine ýetirijisi – Beýonse
- ·Iň gowy rok ýerine ýetirijisi – Zak Braýan
- ·Iň gowy rok-duet/topar – Linkin Park
- ·Iň gowy hard-rok ýerine ýetirijisi – Linkin Park
- ·Hot 100-üň iň gowy aýdymy – Teddi Swims “Lose Control”
Ýeňijileriň doly sanawyny Billboard saýtynda görüp bilersiňiz.
