Warner Bros. Animation kompaniýasy täze “Tom we Jerri” filmini anons etdi. Geljekki lentanyň režissýorlary hökmünde Raşida Jons, Uilýam MakKormik we Maýkl Gowýer çykyş eder. Filmiň sýužeti, aktýorlar düzümi we beýlekiler barada maglumat häzirlikçe ýok.
“Tom we Jerri” multfilmi boýunça geçenki doly metražly film 2021-nji ýylda çykdy. Ol abraýly myhmanhananyň işgäri Kaýla we onuň gymmat toýuň tutulmagyna päsgel berip biljek syçan Jerriden dynmak üçin köçe pişigi Tomy işe alşy barada gürrüň berýär.
Film tankytçylardan we tomaşaçylardan dürli seslenme aldy. Režissýor hökmünde Tim Stori (“Harasat möwsümi”) çykyş etdi.
Täze filmiň möhleti we premýera senesi hem heniz belli däl.
