YouTube emeli aňyň kömegi bilen wideony awtomatiki dublýaž edýän (wideonyň dilini başga dile geçirýän) funksiýany hödürledi. Täze funksiýa awtorlara wideolaryny dürli dillere terjime etmegiň hasabyna tomaşaçylaryny artdyrmaga mümkinçilik berer diýip, The Verge belleýär.
Bu gural hyzmatdaşlyk maksatnamasyna gatnaşýan "ýüz müňlerçe kanal" üçin elýeterlidir. Birinji tapgyrda funksiýa bilim we maglumat beriş mazmunly wideolary döredijiler üçin niýetlenendir.
Dublýaž wideonyň asyl nusgasy iňlis dilinde ýüklenen ýagdaýynda, fransuz, nemes, ispan, ýapon we portugal dilleri ýaly, dokuz dilde amala aşyrylýar. Eger wideo şu dilleriň birinde ýazga alnan bolsa, onda häzirlikçe dublýažyň diňe iňlis dilindäki wersiýasy döredilýär.
Amal doly awtomatlaşdyrylandyr we dublýaž wideo ýüklenen dessine edilip başlanýar. Şeýle-de bolsa, awtorlar dublýaž çapa gitmezden ozal gözden geçirmek, ony ýatyrmak ýa-da goýlandan soň pozmak mümkinçiliginiň bardygy sebäpli, netijä gözegçilik edip bilýärler.
YouTube bu funksiýany ýakyn wagtda beýleki mazmun kategoriýalaryna hem ýaýratmagy wada berýär.
