“Ahyrky nokat” (Пункт назначения) elhenç filmler seriýasynyň altynjy bölümi “Gan baglanyşyklary” (Кровные узы) goşmaça sözbaşysy bilen 2025-nji ýylyň 16-njy maýynda kinoteatrlarda çykar. Film 2011-nji ýylda franşizanyň öňki bölümi çykandan 14 ýyldan soň ilkinji bölüm bolar diýip, Variety habar berýär.
Täze bölümiň wakalary lukmanlaryň, polisiýa işgärleriniň we ýangyn söndürijileriň işini öz içine alýan çalt jogap beriş gulluklarynyň dünýäsinde ýaýbaňlanýar. Filmiň režissýorlary öň bilelikde “Özgeler” (Иные) filmini düşüren Zak Lipowski we Adam B.Steýn boldy. Uilýam Bladuortyň baş keşbini ýene-de akýor Toni Todd ýerine ýetirer.
Filmiň relizi seriýanyň 25 ýyllyk ýubileýine bagyşlanýar – ilkinji bölüm 2000-nji ýylda çykdy. Onýyllyklaryň dowamynda “Ahyrky nokat” elhençlik žanryna özboluşly çemeleşmäniň netjesinde giň meşhurlyga eýe boldy.
Film franşizanyň firma stilini saklamagy wada berýär. Döredijiler täze bölümiň hem öňki muşdaklary, hem täze auditoriýany çekmegine garaşýarlar.
