Tesla geljek ýylyň birinji ýarymynda täze Model Q elektromobilini öndürmek baradaky meýilnamalaryny resmi taýdan tassyklady. Bu awtoulag kompaniýanyň täze platformasynda gurlar we Model 3-üň ykjam wersiýasy bolar. Bu barada GlobalChinaEv habar berýär.
Modeliň önümçilik çykdajylary iki esse azalar, bu bolsa awtoulagy ABŞ-nyň bazarynda subsidiýalary göz öňünde tutmak bilen 20 000 dollardan pes bahada satmaga mümkinçilik berer.
Model Q öňki nusgadan tapawutlylykda 15% kiçi we 30% ýeňil bolar, onuň uzynlygy takmynan 3988 mm bolar. Awtoulagda 53 kW/s we 75 kW/s kuwwaty bolan litiý-demir-fosfat batareýalary bolar. Ýöreýiş ätiýaçlygy takmynan 500 km.
Modeli Şanhaýdaky Gigafactory zawodynda öndürmek meýilleşdirilýär. Bu bolsa onuň bahasyny 19 200 dollara çenli düşürmäge mümkinçilik berer.
Model Q-nyň esasy bäsdeşleri Volkswagen ID.3 we BYD Dolphin bolar.
Kompaniýanyň çaklamalaryna görä, täze awtoulagyň çykarylmagy 2025-nji ýylda Tesla-nyň ýylda 20–30% ösüş gazanmagyna mümkinçilik berer.
