Golliwudyň daşary ýurt metbugaty assosiasiýasy “Altyn globus” baýragyna dalaşgärleriň sanawyny yglan etdi. 82-nji baýrak gowşurylyş dabarasy 6-njy ýanwara geçilýän gije bolar.
Dalaşgärleri Los-Anjelesden YouTube-da göni ýaýlymda aktýorlar Mindi Kaling we Morris Çestnat yglan etdiler.
Şu ýyl nominasiýa sany boýunça öňdebaryjy ozal Ýewropa kinoakademiýasynyň baş baýragyna mynasyp bolan Netflix-iň “Emiliýa Peres” kriminal mýuzikli boldy. Film 10 baýraga dalaş edýär.
“Hyzmatkär” (Прислуга), “Ma Reýni: Blýuzyň enesi” (Ма Рейни: Мать блюза), “Zenan şa” (Женщина-король) filmleri bilen tanalýan aktrisa Wiola Dewis hormatly Sesilýa B. De Millýa baýragyny alar. Bu baýrak 1952-nji ýyldan bäri kinematografda bitirilen hyzmatlar üçin berilýär.
“Iň gowy film – drama” kategoriýasynda “Altyn globusa” “Brutalist” (Бруталист), “Dýuna: Bölüm 2” (Дюна: Часть 2), “Konklaw” (Конклав), “Nikeliň” oglanlary” (Мальчишки из «Никеля»), “Düýbünden nätanyş” (Никому не известный) we “Bäşinji sentýabr” (Пятое сентября) dalaş edýär.
“Iň gowy film – komediýa/mýuzikl” tituly üçin “Anora” (Анора), “Zalym: Günbataryň jadygöýi barada erteki” (Злая: Сказка о ведьме Запада), “Hakyky agyry” (Настоящая боль), “Dalaşgärler” (Претенденты), “Substansiýa” (Субстанция) we “Emiliýa Peres” (Эмилия Перес) bäsleşer.
Gyzykly ýeri, aktýor Sebastian Sten birbada iki baýraga – dramada (“Şägirt”, Ученик) we komediýada (“Başga adam”, Другой человек) iň gowy erkek keşbi üçin nominasiýalarynda dalaşgär görkezildi.
“Iň gowy halkara film” nominasiýasynda baýraga “Emiliýa Peres” mýuzikli bilen birlikde “Bize yşyk bolup görünýän zatlar” (Всё, что нам кажется светом, Hindistan/Fransiýa), “Dag gelni” (Горная невеста, Italiýa), “Iňňeli gyz” (Девушка с иглой, Daniýa), “Mukaddes injiriň tohumy” (Семя священного инжира, Germaniýa-Fransiýa) we “Men henizem bärde” (Я всё ещё здесь, Braziliýa) dalaş edýär.
“Iň gowy animasion film” “Tapmaça 2” (Головоломка 2), “Ýabany robot” (Дикий робот), “Ulitkanyň memuarlary” (Мемуары улитки), “Moana 2” (Моана 2), “Akym” (Поток) we “Uolles we Gromit: Iň ýowuz ar” (Уоллес и Громит: Самая дикая месть) bolup biler.
Dalaşgärleriň doly sanawy bilen baýragyň saýtynda tanşyp bilersiňiz.
“Globus” baýraklarynyň gowşurylyş dabarasy CBS teleýaýlymynda we Paramount+-da görkeziler. Baýragyň alypbaryjysy stendap-komik Nikki Gleýzer bolar.
