Saturnyň halkalary 2025-nji ýylda Ýerdäki synçylar üçin iki gezek göze görünmeýän bolar. Bu 23-nji martda we 26-njy noýabrda bolup geçer diýip, “Ka-Dar” obserwatoriýasynyň ylmy ýolbaşçysy Stas Korotkiý RIA Nowosti agentligine aýtdy.
Bilermeniň aýtmagyna görä, şeýle hadysa 15 ýylda bir gezek, Ýer bilen Saturn planetanyň halkalary bilen bir tekizlige düşenlerinde bolup geçýär.
“Biz halkalary gapdaldan görýäris, olaryň ýogynlygy, takmynan, 30 metre barabar, Saturna çenli aralyk bolsa milliard kilometrden geçýär. Olar hatda iň kuwwatly teleskopyň üsti bilen hem görünmeýän bolup galýar” – diýip, Korotkiý düşündirdi.
Martdaky ýitirim bolma Gün şöhlesi sebäpli Ýerdäki synçylar üçin göze ilmez. Ýöne noýabr aýynda, amatly şertlerde, hadysany kuwwatly teleskopyň kömegi bilen görüp bolar. Şeýle hadysalar Ýeriň 30 ýylyna barabar bolan Saturnyň orbital döwründe iki gezek bolup geçýär.
“Bu seýrek hadysa – biziň belli halkaly planetamyz halkasyz galar” – diýip, bilermen belledi.
