“Deadline-niň” žurnalistleri “Garri Potter” filminiň täze seriýasynda düşmek üçin bäsleşýän aktýorlaryň atlaryny mälim etdi. Filmiň surata düşürilmegi 2025-nji ýylyň tomsunda başlanar we onuň premýerasynyň (ilkinji görkezilişiniň) 2026-2027-nji ýyllarda bolmagyna garaşylýar.
Neşir Mark Maýlodyň režissýorlyk edýän seriýasynda esasy keşpleri ýerine ýetirip biljek aktýorlaryň deslapky sanawyny çap etdi.
Garriniň, Germionanyň we Ronuň keşpleri üçin ýazgylara 32,000 töweregi çaganyň iberilendigi bellendi. Şeýle-de bolsa, aktýorlara entek resmi taýdan teklip berilmedi. HBO serialyň töwereginde myş-myşlaryň köp boljakdygyny we jikme-jiklikleriň diňe şertnamalar baglaşylandan soň belli boljakdygyny aýtdy.
Filmi surata düşürmek Liwsdendäki Warner Bros. studiýalarynda bolar diýip, news.mail.ru habar berýär.
Täze taslama Joun Roulingiň kitaplar toplumynyň esasynda ekranlaşdyrylyp, filmiň asyl material bilen “anyk sazlaşmagyny” gazanmak maksat edinilýär.
Beýleki keşpler üçin şu aşakdaky aktýorlar göz öňünde tutulýar:
- Paapa Essiedu - Sewerus Sneýpiň keşbi üçin;
- Mark Strong we Mark Raýlens - Albus Dambldoryň keşbi üçin;
- Şeron Horgan we Reýçel Waýs - Minerwy Makgonagall;
- Brett Goldstin - Rubeus Hagridiň keşbi üçin.
