Uizdom lakamly, 74 ýaşly, gara reňkli mäkiýan albatros (Phoebastria immutabilis) Ýuwaş ummanyň Midueý ZZZatollynyň Milli ýabany tebigat goraghanasynda ýumurtga guzlady. Bu ýagdaý ornitologlary haýran galdyrdy. Çünki, täzelikde ene bolan guşuň ýaşy bu görnüşiň 12 ýaşdan 40 ýaş aralygyndaky ortaça ömründen ep-esli ýokary.
Daily Star neşiriniň habar bermegine görä, alymlar Uizdoma 1956-njy ýyldan bäri gözegçilik edýärler. Guş Midueýe yzygiderli gaýdyp gelýär. Ýakynda onuň öňki hemrasyny ýitirendigi bellendi.
Şu ýylyň dekabrynda guş ýene-de goraghana gaýdyp geldi we ýumurtga guzlady. Indi, Uizdom we onuň täze hemrasy iki aýlap gezekli-gezegine ýumurtga basarlar.
