Angela Merkeliň “Freiheit” (“Erkinlik”) atly ýatlamalary satuwyň ilkinji hepdesinde bestsellere öwrüldi. Beata Bauman bilen awtordaşlykda ýazylan kitabyň üstünligine ne ýokary baha, ne-de onuň 736 sahypalyk göwrümi, ne-de dürli seslenmeler täsir etdi.
Der Spiegel nemes neşiriniň maglumatlaryna görä, ilkinji hepdede kitabyň 200 müňden gowrak nusgasy satyldy. Onuň 42 ýewro bahasy alyjylar üçin böwet bolmady diýip, DW belleýär.
Merkeliň GDR-däki çagalygyny, Gelmut Koluň hökümetinde işlän ýyllaryny we onuň karýerasynyň esasy tapgyrlaryny gurşap alýan kitap gyzgalaňly pikir alyşmalara getirdi. Internet ulanyjylar hem oňyn, hem tankydy täsirleri galdyryp, pikirleri bilen işjeň paýlaşdylar. Teswirleriň köpelmegi sebäpli Amazon “aşa işjeňlige” salgylanyp, teswirleri ýerleşdirmek mümkinçiligini wagtlaýyn öçürdi.
Hünärmenleriň pikiriçe, bu seslenmeler neşiriň edebi gymmatlygyna däl-de, esasan, öňki kansleriň syýasy işine bolan garaýşy görkezýär.
Ýatlama ýazgylarynyň 30 ýurtda çap edilmegi meýilleşdirilýär.
