Toyota Hytaýda Camry XV80 sedanynyň Brilliance Edition diýlip atlandyrylýan ýörite görnüşini hödürledi. Täze önüm dekabr aýynda satuwa çykarylar we, megerem, hatardaky iň gymmat model bolar diýip, Autohome ýazýar.
Kuzowynyň tutuk çal reňkli boýagy we köp çişli 19 dýuýmlyk tekerleri awtoulagyň tapawutly aýratynlygy bolar.
Modeliň interýer bölegi goşmaça öwüşginleri aldy. Salondaky gök tikin geçen oturgyçlar we premium Dynaudio ses ulgamy aýratyn tapawutlanyp görünýär.
Hödürlenen suratlarda 2,5 litrlik hereketlendirijä esaslanýan güýç gurluşly ýokarky gibrid wersiýa görünýär.
