Dünýäniň birinji raketkasy Ýannik Sinner 2024-nji ýylda ortaça sagatlyk girdejisi boýunça tennisçileriň reýtinginde birinji orny eýeledi. Italiýaly türgeniň kortda geçirilen bir sagatdaky girdejisi 105,1 müň dollar boldy.
Reýtingi düzüjiler türgenleriň möwsümde gazanan pul baýraklaryny esas hökmünde aldylar. Ortaça sagatlyk girdeji umumy pul baýragyny oýunda geçirilen wagta bölmek bilen hasaplandy.
Ikinji orny sagatda 74 müň dollar girdeji bilen ispaniýaly Karlos Alkaras eýeledi. Üçlügi 47,6 müň dollar gazanan amerikaly tennisçi Teýlor Fris jemleýär.
Reýtingiň ilkinji onlugyna şu aşakdakylar girdi:
- Ýannik Sinner (Italiýa) - $105,1 müň
- Karlos Alkaras (Ispaniýa) - $74,0 müň
- Teýlor Fris (ABŞ) - $47,6 müň
- Aleksandr Zwerew (Germaniýa) - $44,3 müň
- Nowak Jokowiç (Serbiýa) - $43,8 müň
- Daniil Medwedew (Russiýa) - $40,6 müň
- Kasper Ruud (Norwegiýa) - $34,1 müň
- Andreý Rublýow (Russiýa) - $30,7 müň
- Aleks de Minor (Awstraliýa) - $30,1 müň
- Stefanos Sisipas (Gresiýa) - $27,0 müň.
