Zandwortda geçirilýän Niderlandlaryň Gran-prisi 2026-njy ýyl möwsüminden soň “Formula-1-iň” senenamasynyň bir bölegi bolmagyny bes eder. Niderlandlaryň Gran-prisiniň guramaçylary tapgyry aýyrmak kararyna geldiler diýip, çempionatyň metbugat gullugy habar berýär.
“Köp oýlanyşykdan we maslahatlaşmadan soň, guramaçylar 2026-njy ýyldan soň tapgyry senenamada galdyrmazlyk kararyna geldiler” – diýlip, resmi beýanda aýdylýar.
Zandwort awtodromyndaky ýaryş ilkinji gezek 1948-nji ýylda geçdi we arakesmeler bilen 1985-nji ýyla çenli geçirildi. Britaniýaly ýaryşa gatnaşyjy Jim Klark bu ýerde dört gezek ýeňiş gazandy.
Gran-pri 2021-nji ýylda senenama gaýdyp geldi. Bu döwürde niderlandly çempion Maks Werstappen ýerli ýolda geçirilen dört ýaryşyň üçüsinde ýeňiş gazandy. Ýöne häzirki möwsümde ýeňiji britaniýaly Lando Norris boldy.
