Amerikaly aktrisa Sidni Suini IMDb portalynyň wersiýasy boýunça 2024-nji ýylyň iň meşhur ýyldyzy diýlip ykrar edildi. Reýting her aý 250 milliondan gowrak ulanyjynyň girip görýän portal sahypalarynyň maglumatlaryna esaslanýar diýip, Deadline ýazýar.
Aktrisanyň ady IMDbPro STARmeter sanawynda bir ýylyň dowamynda ilkinji onlukdan yzygiderli ýer aldy.
Suiniden başga-da, iň meşhur ýyldyzlaryň ilkinji onlugyna Ella Pernell (“Follaut”, Фоллаут), Kristin Milioti (“Pingwin”, Пингвин), Barri Keogan (“Guş”, Птица) we Rebekka Fergýuson (“Dýuna: Ikinji bölüm”, Дюна: Часть вторая) girdi.
“Täze ýyldyz” adyna IMDb Top 100 sanawyna ilkinji gezek goşulan Glen Pauell eýe boldy. Şeýle-de, “täze ýyldyzlaryň” sanawynda Nikola Koklan (“Brijertonlar”, Бриджертоны), Emma Korrin (“Dedpul we Rosomaha”, Дэдпул и Росомаха), Keýli Speni (“Imperiýanyň ýykylmagy”, Падение империи), Nawa Mau (“Sugun çagasy”, Олененок) we Nikolas Galisin (“Sen hakda pikir”, Мысли о тебе) bar.
IMDb “täze ýyldyzlaryň” ýylyň dowamynda top-100-e ilkinji gezek goşulan aktýorlardan düzülýändigini belleýär. 2024-nji ýylda olar STARmeter-de üýtgewsiz ýokary orunlary eýelediler.
Sidni Suini “Eýforiýa” (Эйфория) serialyndaky we “Senden başga islendik biri” (Кто угодно, кроме тебя) hem “Omen. Päk” (Омен. Непорочная) filmlerindäki keşpleri bilen bellidir.
