Ýazyjy Stiwen Kingiň we aýaly Tabitanyň eýeçiligindäki üç sany radiostansiýa maliýe kynçylyklary sebäpli ýaýlymyny bes eder. Bu barada “Independent” habar berýär.
WKIT-FM, WZON-AM we WZLO-FM radio stansiýalary ABŞ-nyň Men ştatynda işleýär. Olar ZONE korporasiýasynyň bir bölegidiler.
Ýazyjy onlarça ýyl bäri garaşsyz radiostansiýalary halas etmäge synanyşýar. Ýöne maliýe ýagdaýy kynlaşandan soň, dekabr aýynyň ahyrynda olar diňleýjileri bilen hoşlaşmaly bolarlar.
“Ýurduň ähli künjegindäki radiolar ägirt uly ýaýlym korporasiýalary tarapyndan ýuwudylýan döwründe (syýasy, gyzykly däl gepleşikleriň goýberilýän döwründe) maňa ýerli, garaşsyz stansiýalaryň (gyzykly gepleşikleri ýaýlyma goýberýän radio stansiýalaryň) eýesi bolmak lezzet berýärdi (şol ýyllaryň dowamynda). Men bu ýerde goýberilýän şeýle gepleşikleri diňlemäge her gün gatnaýan adamlary halaýardym, olar radioda çykyş edip adamlary güýmeýärdiler, zähmetiň işjeňligine goldaw bolýardylar we ýerli mahabatçylara müşderileri bilen habarlaşmaga mümkinçilik berýärdiler" diýip, King teswirledi.
King ilkinji stansiýany 1983-nji ýylda satyn aldy. Ilkinji üstünlikli kitaplaryndan biri bolan "Öli meýdan" romanynyň hormatyna oňa täze at berdi - WZON. Bu radio stansiýasy 98 ýyl ýaýlyma berildi we retro formatda işledi diýip, daily.afisha.ru habar berýär.
Soňra dünýä belli ýazyjy ýene iki stansiýanyň eýesi boldy: olar "Stiwen Kingiň rok nokady" ady bilen tanalýan WKIT-FM we alternatiw aýdym-saz bilen meşgullanýan WZLO stansiýalardyr.
“Garaşsyz, ýerli radiostansiýalar adaty zatdy. Men şäherinde bary-ýogy birnäçe adam galdy we bu üç radio stansiýasyny şunça wagtlap saklandygymyz üçin özümizi bagtly saýýarys" diýip, stansiýanyň baş menejeri Ken Wud aýtdy.
